Rampi mualphohnak phung in tlaih ding ah nawl rak chuah mi Bullet Hla Swe cu kumkhat leng ai thuhnawh hnu in Palik sin ah a rak i ap cang tiah theih a si.
Nihin December 28 zing suimilam 9:30 hrawng ahkhan Yangon nitlaklei palik camp ah a rak i ap cang tiah Dagon khuabawi nih a chim. “Tuzing ah a rak i ap. A herh mi tazacuainak kong cu pengkulh palik bawi nih biacaihzung ah a kalpi cang” tiah a chim.
U Hla Swe hi 3 August 2019 lio ahkhan Yangon khuapi ah Tatmadaw upa pawl US nih phihkharnak a tuah mi kong ah duhlonak langhternak a tuah i, ram hruaitu upa pawl cu fak ngai in a rak soisel hna ruang ah rampi mualphohnak phung dal 124 (a) in taza an rak cuai mi asi.
Cu pin ah Muslim biaknak zong fak ngaingai in a rak soisel ruang ah biaknak serhsat phung dal 295 (a) in Kyauktada peng baicaihzung ah taza an cuai mi a si.
Bullet Hla Swe bia biacaihnak ah hin biacaihnak ah sualphawt khawh a si ahcun thong kum 20 leng thlak khawh a si leng ah, biaknak phung a buar mi sualphawt a si ahcun thong kum 2 chap khawh a si rih.
Source: Irrawady
