Nihin hi CND lawmhpuai tuah ni asi. Nain kawlram cu ralkap nih uknak an laak caah duhning in tuah khawh asi lo. Cucaah Chin cozah ser ko cang u. Chinmi nih Ruah le Tuah ding in vun ttial ve tuah ning,
CHIN MIPHUN TTUANVO By DSMaung
- Chin Miphun Luat kan herh (National Sovereignty-Independent).Chin miphun hi CND kan rak lawmh tawnnak ni in Chin Independent Day (CID) lawmh puai tuah ding ah kaar hlaan kan hauh cang. Chinmi hi ram thum: Kawlram, India le Bangladesh ram hna ah kan um hna. Kawl, India le Bangladesh uknak tangin luat ding ttuanvo kan ngei. Asikhawhnak lam kawl cio tuah u.
- Unity kan herh. Chinmi ifuntom khawhnak ding caah Chinmi vialte nih Chin miphun, (Chin National) Chin ram (Chin country) lawnglawng hi ttanh ding kan si. Peng le tlang rumro hi ttanh ding kan silo. Mahholh le ca lawng zong ttanhding kan silo. Cawn duhnak lungthin tu kan ngeih awk asi. Chin miphun dihlak nih Chin ka si ti hi fehter ding le i funtom ding ttuanvo kan ngei hna.
- Nunzia thlen kan herh. (Moral Transformation)
Chinmi nih “keimah ti le kanmah kan si bik” ti kha hlawt a hau. Midang sin tu in cawn khawh kan i zuam a hau. Toidor nun kan herhLearnable & teachable kan si a hau. Ttah le lawmh ihrawm kan thiam a hau.Lih chim kan ngol a hau.
- Zatlang, Ramkhel le Ngeihchiah tthanchonak kan herh.(Social-Politic & Economic Development)Ningcang te le lungfim te in pumpak nun ah siseh, chungkhar nun ah siseh, zatlang nun ah siseh kan nun a hau. Kan fale hi fimnak cawnter khawh kan herh. Ramkhel nunnak ah CNF cherhchan Federal Democracy, Mahte lairel khawhnak (Self determination) tbt le Luatnak (National Sovereignty=Independent) kan herh.
Ngeihchiah tthanchonak (Economic Development) caah Ramdang he pehtlaihnak ttha, (foreign rekations): thing ram tiva chuak thilri zohkhenhnak, (preservation of natural resources), ti, mei, lam, sangphawlawng dinhnak (harbour), vanlawng dinhnak (airport), tlanglawng lam hna kan herh.
Kawkram um Chinmi hna heih cu Bawipa tlang, Bawinu va, Pathian tlang (Royal mountain, Royal river le God”s mt.) kan ngei hna i kan tha a thutlo ahcun kan rum ko lai. Chinmi kan tuanbia ah hin mi kut tangah kan rak um hna lo. Khua tuaktannak (world view) lei zongah mifim phun kan rak si.
Chinmi vialte cungah Pathian dawtnak um ko seh.Nikhatkhat cu Chin Independent Day Celebration kan tuah te hna lai.
Denis Shu Maung
