Bangladesh ram Chittagong Hill Tracts um Kuki-Chin National Front/Army le Bangladest cozah rianngeitu hna cu 2024 March 5 ah remdaihnak ton biaruahnak an ngei kho tiah theih a si.
“Chittagong Hill tracts um Kuki-Chin National Army hna nih hlan pipu hna nih an rak ngeih mi ram humhngak ding le mah te khuakhan lairel nak a um khawh nak hnga mah miphun cozah a chuah khawh nak hnga hriamtlai in dothlennak tuah hram kan thok hi a si i a tu tan tonnak ah thil tha ngai a chuak i kan duh mi kan hmuh lai zong kan zumh” tiah KNF/A in Colonel Solomon nih a chim.
Remdaihnak ceihhmai chung ah hin kanphnih kar kahdohnak ngol chung ding ah kaphnih hnatlaknak an ngei i a voi thum nak tonnak ngei than dingin Bangladesh cozah nih an hal hna nain zeitik ah ton than ding a si kong bel theih a si rih lo.
Hi hna phu hnih kar ah hin 2023 November 5 ah khan a voi khat nak tonnak an rak ngei cang tiah theih a si.Bangladesh ram buai ruang ah Kuki-Chin miphun minung 1167 cu Mizoram Lawngtlai District chungah an rak zam ve hna tiah theih a si.
A tu tan KNF/A le Bangladesh cozah ton biaruahnak ah hin Bangladesh cozah lei in rianngeitu minung 14 an kai kho i KNF/A lei in minung 8 an kai kho ve tiah theih a si.
