KNU brigade(5) Hmun Chung Ah Peh Zulh In Nihnih Chung Kahdohnak A Chuak I SAC Ralkap Le BGF Lei In 13 An Thi,KNU Lei In 1 A Nunnak A Liam.
——————————————————————————-
Kayin ramkulh,Mutraw pengkomh chung ah September 2 le 3 ah SAC ralkap,BGF phu fonh le Kawthoolei brigade-5 kar kahdohnak a chuak i SAC ralkap le BGF lei in 13 an thi tiah KNU-Mutraw news sinin theih a si.
September 3 zing sml 6 hrawng ah Dweiloe peng chung ah a cawlcaang mi BGF phu cu Kawthoolei brigade-5 kuttang battalion-102 nih lamhruang in an rak dih hna i BGF lei in ralbawi 1 telh in 4 an thi i 5 hliam an hmu.Kawthoolei brigade lei zong in 1 nih a nunnak a pek theih a si.
September 2 zing sml 6:28 ah Luthaw peng,ခေါ့ဒေးဝါမီလူ khua chung ah a cawlcaang mi SAC ralkap cu Kawthoolei brigade-5 phu nih lamhruang in an rak doh hna i SAC ralkap lei in 8 an thi tiah theih a si.
Cu September 2 kahdohnak chung ah SAC ralkap lei i MA-1 pakhat,MA-2 pahnih,MA-3 pahnih,kut put bomb 4,bomb 15,RPG-7 kuan pakhat,biakchawnhnak 3, le K-3 kuan 1132 pawl cu an lak khawh tiah theih a si.
SAC ralkap le BGF phu nih Mutraw brigade-5 uknak hmun chung ah ral lei cawlcanghnak an kauh hlei ah human right phung nifatin an buar tiah KNU-Mutraw news nih cathanh a chuah.(Crd.Khit Thit Media)
