Sagaing ramthen,Khampat khua le Sawbua-Ye Shin khua cu April 22 tuzing slm 2:00 tluk ah SAC nih Jet Fighter hmangin bomb a thlak caah tualchungmi 4 nunnak a liam leng ah hliam tuar zong an tam tiah kan theih.
Khampat khua No. 1 Sang cu SAC nih jet fighter in bomb lung 3 a thlak caah tualchungmi 3 an thih leng ah 10 nak tlawmlo nih hliam an tuar.Sawbua khua zong ah Jet fighter in bomb lung 2 a thlak ve caah tualchungmi 1 a thi i 4 nak tlawmlo nih hliam an tuar ve.
“Khampat ah hin SAC le dohtlennak ralkap hna kar kahdohnak a um lo nak a sau tuk cang.ruah lo piin bomb a thlak a si.a thi mi hna chung ah hin a ruak ai rawk ngai mi zong an um i hliam tuar zong an tam” tiah khuami pakhat nih a chim.
Sawbua khua cu Kalay-Tamu lampi cung ah aummi khua a si i SAC nih bomb thlak ruang ah hin thi le hliam pin ah inn le lo cheukhat zong an rawk hna.
