May 5/6 2021 Cawn nihnih le cawn nithum ni ah Shan ram chak lei ah Chak lei hriamtlai phu komh hna le ralhrang kar lakah hmun tampi ah fak piin kahdohnak a chuak.
Chaklei Tlangcung hriamtlai phu komh a si mi Ta’ang National Liberation le (TNLA) Myanmar National Democratic Allian Army ( MNDA) I bawm in kawl ralkap 99 phu le 45 battalion an umnak Kutkai hmun ah an I kahnak a chuah cu a si. TNLA, MNDAA komh in Kawl ralkap he an I kah tlawmpal ah Manlon khuate zong ah Kachin Independence Army ( KIA ) le Kawl ralkap kar lak I kahdohnak a chuak than.
TNLA le MNDAA nih an chimnak ahcun “kan hawikom a si mi KIA le Kawl ralkap an I kah ruang ah KIA kan van bawmh hna, cu lawng si lo in kanmah I vennak ca zong ah kan rak kah mi hna hi a si. Nawl ngeihnak latu kawl ralkap hi kan umnak hmun in kan thianh dih hna lai “ tiah thawngthanhnak an tuah. Northern Alliance phu ah chungtel a si mi hna hriamtlai phu cu TNLA, MNDAA, KIA,le AA hna hi an si.
Shan le Kachin ram ah KIA le Kawl ralkap an I kahnak a ruang bik cu Kawl ralhrang hna nih ralkap uknak duh lo lam a zawh mi hna cu Kachin Khualipi Myitkyina ah minung pahnih march thla i an rak thah hna nak in aa thok mi a si. KIA nih nih kawl ralkap sin ah ralrin an rak pek mi hna cu mipi nih dai tein duhlonak a langhter mi fahnak pe hna hlah uh tiah an ti mi, nawl an ngeih lo caah i kahnak a chuah hi a si.
KIA hmunkhuar nak Montauk peng kulh ah ralkap le Police minung thazaang tampi nawlngaihnak chuttu ralhrang phu nih a chap ,tampi a chap hnanak hmun cu Waimaw,Momauk, Hphakant, tanai, Mogaung, Shwegu, le Injangyang hmun lei ah a si.
Khuachung um mi chimnak ah TNlA, MNDAA fonh in Kawl ralkap he an I kahnak ah minung tampi an thah hna hlei an an hriamnak zong an chuh hna theih a si.
Kawl ralhrang lei hi a tu i kahdohnak kong chimhfianhnak an tuah mi a um rih loh tiin Irrawaddy nih a chim. Dai tein duhlonak a langhter mi hna cung ah kut nan thlak I an nunnak nan lak hna ahcun an mipi lei ah kan dir lai tiah March thla dongh lei ah TNLA,MNDAA le AA nih uknak chut tu ralhrang hna cu ralrin an rak pek cang hna.
Chaklei tlangcung hriamtlai phu le kawl ralhrang kar ah kahdaihnak minthut mi peh sauh than ding in ralhrang lei nih an hal mi hna cu a tlamtling lo.
Kachin ram Momauk pengkulh Myothit khuate zong ah cawn nili may 6, 2021 zong ah KIA le kawl ralhrang kar lak kahdohnak a um tiah khua mi nih an chim.
Chirhchan: Irrawaddy news
