Myanmar ramkomh chungah COVID-19 zawtnak in mithi 400 an lonh cang tiah Ngandamnak zung nih an thanh. Nikhat te ah minung 41 an thih ca ah record thar a si tiah chim khawh a si. Myanmar ramkomh hi a tulio vawleicung ah COVID-19 zawtnak ai chawnhbarh mi tambik ram 86 nak a si cang.
October 4 zaan suimilam 8:00 PM tiang ah Myanmr ramkomh chung ah COVID-19 zawtnak in minung 412 an thi tiah Ngandamnak zung nih a thanh. A tulio ram chung ah COVID-19 mizaw 17,794 an si cang i, minung 5000 leng siizung in an ttum cang.
A tulio ramchung Yangon hi a fah tuar bik nak a si i, zawtnak he ai nehbuah lai tiah ruahmi nehnang zulhdawi zong a har ngaingai dirhmun an phan. Ambulance le volunteer riantuantu hna zong chungzaan hlan in an i manh ti lo. Quarantine chiahnak ding ca ah hmunhma zong nifatin in kauh chin lengmang a si tiah theih a si.
Source: RFA
