Yangon (CBN News) : A luancia zarh hnih i Security force nih NLD Headquater an luh hnawh tiah puhnak kong ah Yangon Palik hna nih zei hmanh dawthlatnak an ngeilo tiah NLD nih an chim.
Office hi February 9 zan ah an luh hnawh, hi lio hi building chung ah a ho hmanh an um lo lio a si.
hi ni hi Ralkap nih zanlei suimilam 8pm in zinglei 4am karlak ah Yangon khuapi ah minung 5 nak tam a bu in um lo ding tiah an thanh ni kha a si.
Ralkap nih Shwe Gone Daing, Bahan Township le Tamwe Township i executive committee office inka an bauh i thilri, phaisa le Computer drive pawl an lâk tiah NLD executive committee nih an chim.
Building an luhlio cu CCTV record ah a lang dih, Ralkal le Palik uniform le hnipuan sawsawh aa hrukmi hna an si tiah U Soe Lay nih a chim.
Yangon i press conference ngeihnak ah U Soe Lay nih a chimning ah document biapimi, phaisa, Bank ca-uk le cheque hna an rak lâk viar, NLD phaisa kengtu committee member U Thein Oo an tlaih ruangah Document an lakmi pawl hi tlamtling lo ngai in chiahchungmi an si i zei hmanh zulh dawi i riantuan khawh an siti lo tiah a chim.
Hi kong he pehtlai in NLD nih report nak February 10 ah khan an rak tuahcang mi cu cohlan a sinain atu tiang zuldawi piak an silo.
Advocate U Kyi Win nih a chimning ah hi case hi palik nih an zulhdawi hrimhrim awk a si, an rian a si tiah a chim. “hihi a diklo mi a si, palik nih an rian an tuan loh”.
U Soe Lay nih a chim ve ning ah hi case hi palik nih an zulhdawi lo a si ah cun Palik cung ah phungning tein dantatnak tuah a sinak lai party a cawlcanglai tiah a chim.
NLD party chung in Minister hna le Union Election commission member hna cu ralkap nih an tlaih, a fiangmi cu ralkap nih NLD sual phawtnak ding a lamkip in an kawl cang tiah a chimchap.
Aung San Suu Kyi, President U Win Myint le NLD party sinior pawl cu ralkap nih an hren hna, February 26 khi ralkap nih party kip hruaitu hna he i tonnak ngei dingin caan an khiah.
U Soe Lay nih a chimning ah, hi ralkap meeting hrihmi ah hin NLD lei in meeting kan kai ve lailo tiah a chim.
Translate from The Irrawaddy News English version.
CBN News
