Kawkariak, Kyainseikkyi Peng Ni 6 Chung Kahdohnak Ah SAC Ralkap lei 90 An Thi Tiah Lion Battalion Commando Nih An Thanh.
================================
December 6, 2023
Karen ramkulh, Brigade 6 hmun Kawkariak le Kyainseikkyi peng ah SAC Ralkap le People Defence Force phu fonh kar kahdohnak a chuak ii SAC Ralkal 90 leng an thi tiah Lion Battalion Commando nih nizan zanlei ah an thanh.
Kyainseikkyi le kawkariak hmun chung kahdohnak pawl ah 60 mm, 40 mm le RPG pawl hmang in an kah ko nan in SAC ralkap Kuttang PGF sakhaan 2 cu an lak khawh tiah theih asi.
January 1 zinglei thok in Brigade 6 hmun Winye peng, Tauangsun khua SAC Ralkap le BGF phu fonh sakhaan cu Karwn PDF nih an lak khawh. Nizan tiang kahdohnak a fak. Cun Januray 4 zinglei zong ah Kyainseikkyi hrambunh battalion hmun 3 kahdohnak ah SAC Ralkap tam an thi tiah theih asi.
Kyainseikkyi kahdohnak ah SAC Ralkap a thi mi chung in Kah- lah – Yah 284 Ralkap bawi DSA No 46 Ralbawi Min Mg Mg Hein telin a thi mu an tam.
Cu kahdohnak cu Lion Battalion Commando , S.O.F le Tlang cung hriamtlai phu fonh in an doh mi a si tiah theih asi.
Kahdohnak a fak nak chung ah SAC Ralkap lei nih Hriamngan in khua pawl an a kah ii tual chung mi 1500 leng himnak hmun ah an zaan ii inn le puangki sianginn pawl a hrawk tiah an thanh.
