December 27,2022
Karen ramkulh, Kawkariak peng chung ah SAC ralkap le KNU, KNLA phu donh kar kahdohnak a fak ii zarhkhat chung leng a si cang tiah KNU Brigade 6 in Bomu Saw Kyaw nih DNA a chim.
“ kahdohnak cu nifatin in a si. SAC ralkap nih rallam an sial an i din ruang ah ni 8 chung asi cang. Kahdohnak hi abiapi bik SAC ralkap pawl rallam an sial ruang ah a si. SAC ralkap nih van lei zong in an kah. Zing zan in bom in an kan kah” tiah Brigade 6 Bomu Saw Kyaw That nih achim.
A tu zong ah khaphnih kahdohnak a fak nak Kawkariak khua cu tu ni December 27 zinglei ah KawNuh khua cu SAC ralkap nih an kah ii khua chung inn pawl zong an duah tiah theih a si.
“Kahdohnak cu nizan zong ah a si. Tuni chun sml 12 hrawng ah SAC ralkap nih Kawnuh khua an duah. Vanlawng in an kah ruang ah a kangh mi a si kho. Kawkariak ah cun a tu cu a dai. Inn leng ho hmanh an chuak ngam lo” tiah tual chung mi pakhat nih a chim.
Aluancia December thla lai hrawng ah SAC Ralkap nih Kawkariak – Myatwaddy lam cu rallaam an sial ii KNLA phu fonh hen kahdohak a fak.
Kahdohnak chung ah SAC ralkap lei nih an kah mi hriam ngan ruang ah tual chung mi pakhat a ken ii a um nan in SAC Ralkap news nih cun hriamtlai pawl nih an ken mi a si tiah an thanh.
Kahdohnak hen SAC Ralkap pawl nih khuate pawl ah vanlawng in kahdohnak le hriamngan hman in pehzul in kahdohnak an tuah ruang ah Kawkariak peng cung Kawnuh khua cu himnak hmun ah an zaam dih tiah theih asi.
Kawnuh khua chung khua 6 a um ii Inn dong 800 leng le minung 4000 leng an um. Tu kahdohnak ruang ah an zaa pi in himnak hmun ah an zaam ii inn hrawk le inn zuat saram pawl zong a thi mi an um tiah an langhter.(Crd.Delta News Angency)
