Karenni Ralkap Nih
SAC Ralakap Motor 2, Drone Kahnak Anti-Drone Le Meithal Zun 4 An Chuh Hna
Karenni(Kaya) ramkulh Hphasawng le Bawlakhe(ဖားဆောင်းနှင့် ဘောလခဲ) khua um SAC ralkap camp ah riahcaw a chanmi SAC ralkap motor cu, Karenni ralkap hna nih June 1, 2 ah kan kah hna i, SAC ralkap tampi an thi. An motor 2, meithal zun 4 le thilri cheukhat kan chuh hna, tiah KNDF ralkap pakhat nih a chim.
SAC ralkap motor cu KNDF Battalion 16 le KA nih an kah hna. Motor 2, drone kahnak, hriamngan kuan, solar, meithal zun 4, kuan bawm le Tatma(တပ်မ) 66 thilthuam an chuh hna, tiah theih a si.
“Motor run 40 cu Htarlay(ထားလဲ) ah kan kah hna. Hnu kan kir ṭhan i khua pakhat in kan kah ṭhan hna, a thimi an tam caah Vanlawng in bomb a kan thlak,” tiah KNDF ralkap pakhat nih a chim.
Cu kahdohnak ah SAC ralkap lei in Vanlawng in bomb an thlak caah Karenni fonhkomh phu in ralkap 1 aa hliam, tiah theih a si.
