Karenni Peng Ni 8 chung kahdohnak ah SAC ralhrang lei in 25 an thi.
Karenni Peng March 9 in 16 tiang kahdohnak ah council ralkap lei in 25 nak tlawm lo an thi,KNLA lei in 6 an thi tiah KNDF nih cathanh an chuah.
Council ralhrang cu Monbye – Demoso lam
Bupa Khua,Kungta le Dawngaka sang in
Loikaw-Demoso – Taungngu lam ah ralram an sal tiah theih a si.
March 9 ah Bupa khua ah hmunhma la mi council ralkap cu KNDF nih am doh hna i council ralkap nih Bupa khua le Tesule khua ah umnak inn 10 an mei an duah tiah theih asi.
March 9 ,11,14 zing lei ah Loikaw peng ,LinPhunlay khua le Tetari khua ah hmunhma la mi council ralkap cu KA ,KNDF ,PDF fonh in an doh hna. Kahdohnak ah council ralkap lei in 7 an thi tiah KNDF nih an chim.
March 10 zinglei ah Moebye ,WaRiSu Palai khua ah kaphnih kahdohnak a chuah ii KNLA phu nih bom in an puah hnawh hna ruang ah council ralkap mawtaw 1 a rawk tiah theih asi.
Karenni ram ah Loikaw ,Demoso ,Paruso peng pawl ah kahdohnaka chuah.Paruso peng Makaruak khua pawng ah council ralkap sakhaan pakhat cu KNLA le KA nih lut hnawh in an doh hna i ralkap 2 an thi.
Council ralkap cu loikaw peng pekinkaw khua le Demoso peng Khawhpalaw Ukhuri khua pawl um cacawnnak sianginn,biakinn pawl ah hmunhma lak in pawngkham khua pawl ah hriamnam ngan in an kah hna tiah
KNDF nih cathanh an chuah.
