Chin ramkulh,Kanpetlet peng Sat-Chauk khuate ah SAC nih nizan August 13 ah khan vanlei in kahdohnank a tuah caah kum 3 ngakchia minung pakhat telh in tualchungmi 2 an thi i thla 6 ngakchia pakhat telhin minung 4 nih hliam an tuar tiah theih a si.
“A thi mi le hliam a tuar mi hi khuami lawngte an si hna.kahdohnak zong zei hmanh a um lo,a thi mi chungah hin ngakchia zong an i tel hna.lbs 500 a rit mi bomb pawl zong a thlak.” Tiah khuami pakhat nih a chim.
August 13,chun slm 1:48PM ah SAC nih vanlei in Sat-Chauk khuate um sianginn cu target chia in kahdohnak a tuah hi a si i kum 3 lawng a si rih mi Pa Thang Mana le kum 42 a si mi Pi LaiLeh cu a hmun ah an thi colh.cu leng ah thla 6 lawng a si rih mi nute pakhat,kum 12 a si mi pa pakhat, kum 52 a si mi pa pakhat telh in minung 4 nih hliam an tuar.
Sianginn pakhat le mizapi inn 4 cu a rawk cikcek i a dang inn 2 zong zeimaw a rawk ve.a tu tan bomb a thlak mi hi lbs 500 bomb lung 2 le a dang bomb lung 6 a si khuami hna cu ramtang ah ral an zaam hna tiah theih a si.
