Chin ramkulh Kanpetlet peng Aye Chaung thirhri hling kulh hmun chung in ekah 3100 cu khua nih ngeih mi ah kan pe than u tiah khuate pathum in milu 90% nih cozah sin ah an hal.
Kanpetlet peng Canaan khua, Yan Sit le Let Pan Kyin khua hna ah mipi 90% hna nih pupa chan in tlanglo ah an rak tlak mi loram ekah 3100 cu cozah nih thirhri hling an kulh ruang ah kan pe than u tiah thingram zung le uknak zung lei ah ca an chiah hi a si.
Hi thirhri hling kulh hmun hi 2002 kum khan kan tuah cang mi a si tiah cozah nih an chim. Nizaan nai lawng ahkhan tung an hun phun lawng in kan theih. An chim ning ah Aye Chaung Thirhri hling kulh hmun ca ah tiah an ti. Cu zong cu rampi Thingram zung nih a tuah mi a si tiah an chim fawn tiah an hruaitu U Hmang Lo Paing nih a chim.
Kanpetlet peng ahhin 2002 July 25 ahkhan Aye Chaung Thirhri Kulh ca ah tiah khuate loram ekah 101685 cu a rak khiah. Hi thirhri hling kulh hmun hi Kanpetlet peng chung um a si i, Paletwa le Rakhine ramkulh Minpya peng tiang ai sawh mi a si.
CU lio ah cozah nih tadin ca ah an rak thanh nain, mipi sin chimrelnak pakhat hmanh a rak um lo i, nizaan nai lawng ahkhan tung an hung phun tiah theih a si.
Hi kong he pehtlai in hmunto mipi hna nih duhlonak le hal thannak ca an chiah i Pyidaungsu hluttaw tiang chuahpi dingin kan chuah pi lai tiah khua mi hna sin in theih a si.
Source: Irrawady
