Sagaing ramthen,Kalaymyo thlanglei Htuma (GTC) le Tharyarkone khua karlak ah Nizan March 1 le nihin March 2 kahdohnak ah SAC le Pyusawhtee 40 leng an thi tiah kahdohnak ah a um ve mi dothlennak ralkap pakhat nih a chim.
“Hliam tuar mi zong an tam,Kalay lei in ambulance 5 in an rak dawn hna,nizan ah SAC lei nih Mi-35 in an kan kah caah kanmah lei pakhat fak tuk lo hliam a tuar ve” tiah a chim.
SAC kah mi hriampi ruangah Tharyargone khua ah inn 3 a rawk tiah theih a si. “Nihin chun hrawng ah a si men la,SAC kah mi hriam ruangah inn 3 a rawk,kan mah lei cu February 29 thok khan ral kan zaam viar cang i khua ah a um mi kan um tilo” tiah khuami pakhat nih The Rihli Voice ah a chim.
2023 October 8 lio ah khan SAC nih Tharyarkone khua cu mei in an rak khangh caah tualchungmi inn 20 a rak kaang tiah theih a si.
