Sagaing ramthen Kalaymyo le Chin ram Khaikam khua in zapi minung 500 leng hna cu ramtang ah an zam hna i eidin kong ah lungrethei in an um kong theih a si.
Kalay khuachung Kyutungpin,Tharyarkone,Hmunlai,Tahan le Khaikam khuami hna cu ramtang ah an zam hna i Muka i cih in ramtang ah an um hna tiah theih a si.
“kan nih hi rantang ah kan zam i a thaizing ah kan inn cu hriampi nih a tlaak,kan van a tha ngai te, kan nih cu lo kan ngei i kan lo ah kan zam,lo a ngei lo mi hna cu ramtang ah muka in caan karlak dornak an sak i cuticun um cio a si ko.kan har bik mi cu ei din kong ah a si,mi cheu cu ramri lei ah a zam mi zong an um ve hna” tiah ralzam mi pakhat nih zalen ah a chim.
Aluancia February 21 thok khan kalay le a pawngkam hna ah dothlennak ralkap hna le SAC kar ah biatak tein kahdohnak a chuah hi a si i Sac nih khuachung le sang chung hna ah hriampi le meithal duhpoah in an kah caah a tu bantuk in ral an zam hi a si.
Kalay khuachung le apawngkam cu fak piin kan nam cang lei caah khuami hna a himnak ah rol chung dingin Kalay peng Pahkahphah nih February 26 ah ralrin peknak an rak thanh.
February 21 in March 3 tiang ah SAC kah mi hriampi le meithal ruang ah Kalay tualchungmi minung 14 nunnak a liam cang i minung 20 nak tlawmlo nih hliam an tuar tiah theih a si.a tu tiang ah Kalay in ral a zam mi hi minung 5,000 leng an si cang tiah mi bawmchan tu hna sin in theih a si.
