Kalaymyo ah SAC Ralkap minung 20 hrawng Hriam nam tling he an zam
Sagaing Ramthen Kalaymyo peng ah SAC Ralkap minung 20 renglo hriam nam tling he an zam, SAC lei nih vanlawng in an kawl len hna.
Hi kong hi bia dik a si ko, ahram thawk ah cun Kalay PDF pawl a kan kawl rua kan ti i, hnu lawng ah Ralkap a zam mi hna an kawl tu a si tiah thawng kan theih than, Hi Ralkap a zam mi minung 20 hrawng hi a him nak hmun zong an phan cang tiah Kalaymyo khua mi pakhat nih achim.
SAC lei nih cun Ralkap CDM a tuah mi kong ah a zam mi an um lo tiah bia leh peng asi.
Nizan chun zong ah Kalaymyo Thlanglei zong ah Ralkap vanlawng sau pi a zuang, Mawtaw zong in an kawl len hna tiah kalaymyo khua mipakhat nih Khit Thit Media ah achim
SAC Ralkap chung in mipi tangah a dor i CDM a tuah mi minung 2000 tluk hrawng an si cang tiah theih asi.
