Sagaing ramthen Kalaymyo ah PDF min hmangin ramh nak (Damiah Taih) a chuak i ral a hrial mi hna inn zong ah thilri fir in a vak mi an tam ngai tiah theih a si.
March 1 ah khan Kalaymyo TatOoThida sang Aye Chan Metta Sii-inn hmai lampi cung ah meithal aa put mi mino minung 4 nih lam a kal mi minung 6 hna sin in Phone,Sui hnatonh le Bank card an chuh hna leng ah Taungzalat sang eidin dawr pakhat ah mino pahnih nih PDF min hmangin phaisa an hal hna tiah theih a si.
“Mino pawl cu meithal an i ken i PDF kan si,kan pu le nih phaisa hal a kan fial tiah an kan ti i kan manh mi phaisa vialte an laak viar” tiah ram a tong mi dawr ngeitu nu nih Zalen ah a chim.
Raltuknak a fah caah Kalaymyo khuami hna cu ral an hrial hna i cucu caan tha laa in Tahan hrawng i mi an um lo nak inn cheukhat cu an bauh hna i innchung thilri fir a tam ngai tiah khuami hna nih an chim fawn.
