Kalaymyo ah mitlau thawngthanhnak an tuahmi Chin pa pakhat cu SAC ralkap sizung ah a ruak in hmuh a si
Sagaing ramthen Kalaymyo April 8,zaanlei sang ah Chin pa pakhat sii cawkding in cycle he leng a chuakmi cu inn hlamti lo in a um caah mitlau thawngthanhnak ah langhter a si, cu Chin pa cu nihin April 11, zinglei ah mizaw ihnak 100 tluk tlummi SAC ralkap sizung ah a ruak in hmuh a si tiah chungkhar neihniam mi hna sin in theih a si.
Nunnak a liammi Chin pa cu Ko Lian Khaw Shan(kum-23) a si i, a kee ah kuan hliamhma, a hmai le a takpum ah a phingmi hliamhma hna hmuh a si. Chin ramkulh Tedim peng Sizaang(ဆဲဇန်) khua in Kalaymyo lei ah aa thialnak thlahnih failawng a si rih tiah theih a si.
Sagaing ramthen Kalaymyo April 7 ni Tahan ralhruang chimh a ton kumkhat tlin ni in nihin ni tiang SAC ralkap le mizapi vengtu ralkap phu kar fakngai in kahdohnak a chuak. April 10, nizaan khuachung kahdohnak ah sualnak ngeilo mipi lei in minung pakhat a nunnak a liam tiah theih a si.
Chin World
