Sagaing ramthen,Kalay le Tamu kar lampi cu ral ruang ah hman khawh a si lo i Chin ram lei in i kual in kal a si caah motor cuan man minung pakhat ah sing 3 tiang a phan tiah kan theih.
“Motor hi nifatin kan chuak kho lo,a tlam tlin caan ah kan chuak tawn.kan kal tawn nak lampi khan cun ai kal kho tilo i motor cit man zong sing 3 tiang phan.a hlan i thilri phorhman ks- 10,000 a rak si mi kha a tu ah cun ks-30,000 tiang a phan.” Tiah motor driver pakhat nih a chim.
Kalay le Tamu hi Mang 90 tluk lawng aa hlat mi a si ram that lio ah cun motor cuan man minung pakhat ah Ks- 10,000 lawng a rak si nain uk nak laak a si hnu ah a kai chinchin.a hlan ah slm 3 chung tluk lawng rak kal mi a si nain a tu ah cun lam a tluan cun nikhat,a tluan lo cun lampi zong ah riah a si tawn.
Cun pin ah Kalay-Khampat kar motor cuan man zong ks- sing 1 le cheu a si i Kalay-Latpanchaung kar motor cuan man zong sing khat tiang aphan ve cang tiah kan theih.
