Sagaing ramthen,Kalay le a peng chung ah SAC kut tuar in nizan February 27 nikhat chung lawng ah tualchungmi 4 nunnak a liam i February 21 in 27 tiang zarhkhat chung ah tualchungmi 14 nunnak a liam cang.
Nizan February 27 ah SAC kut in a nunnak a liam mi hna cu Kalaymyo Dowai tiva lei in cycle a rak i cit mi kum 53 Upa pakhat cu SAC nih an kah caah a hmun ah a thi,Khaikam le Kalaymyo aa tonnak pawng ah Kum 30 tluk a si mi Pa pakhat zong SAC kah nak in a thi ve. Cu bantuk thiam thiam in Kalaymyo Buda lampial zawnah cycle datsii rawn dingin a hngakcuahmah tu pakhat le Ke thum ngei cycle khaltu pakaht zong SAC nih an kah hna caah an thi ve tiah theih a si.
“SAC ralhraang hna nih an hmuh mi poah an kah hna,hriampi zong duh poah in an kah caah a ho hmanh leng kan chuak ngam ti lo” tiah Kalay khuami pakhat nih a chim.
Kalay le a peng chungah hin February 21 thok in SAC le dothlennak ralkap hna karlak ah kaphnih kahdohnak a chuak i nihin February 28 tiang kaphnihkar kahdohnak pehzul in a chuah cuahmah rih tiah theih a si.
