KalaWa Peng,Palik Sakhaan Luh Hnawh In An Kah Hna,RalkaP 7 An Thi,Hriamnam Pawl An Lak Khawh.
============================================================
Sagaing Ramkulh,Kalay Wah Peng,MaSein Khua Palik sakhaan cu luh hnawh in an kah hna ii Palik 7 an thi.An mah Pawl ii an i tlaih mi meithial zun 8,kuan pawl le a dang thilri pawl kan lak khawh tiah PDF-Kalawa nih tuni September 20 ah an thanh.
September ni 18 zinglei sml 6:05 hrawng ah Masein palik sakhaan cu luh hnawh in an doh hna ii Palik Pawl cu hliamhma tuar bu in an zaam tiah theih asi.
Cu palik sakhaan cu PDF pawl nih mei an khangh ii hliam tuar nak um lo in hnu an kir tiah theih asi.
Kahdohnak a dih hnu ah PDF phu nih G3 zun 5,Ozi Zun 2,M79 zun 1,kut chek bom lung 3, 62 kuan 297,Ozi kuan 149,125 cycle 4, walkie tlakie lung 3,Phone lung 10,Power bank 1,laptop 1,tangka bawm 2 le tangka 13000, kut temhnak thir cikcin,suitti pakhat,zal pakhat,namte pakhat cu pawl cu kan lak khawh tiah an langhter.
Kahdoh chung ah khuami nu pakhat an ken ii anunnak a liam ruang ah kan ngeih a chia ii cu ruang hen pehtlaih in kan ngai thiam uh tiah PDF-Kalawa nih cathanh chung ah an langhter.
