Pumpululh vawlei ah cawkzuar khuati a hun phak caan paoh ah cawkzuar lei ah ningcang a thiam ngai mi Juventus cawlcangh ning hi a tulio ah thawng linsa ah ai cang.
Juventus nih PSG hmaikal Mbappe khi pound nuai 360 in cawk an duh timi thawng nih khua a van hninh ngai. Italy thawngzamh pakhat nih cucu a thanh mi a si i, hi cawkzuar lio ahhin C.Ronaldo zong hi France Club lei ah lam pakhat khat in tthial an timh timi thawngpang a si.
A ralaimi pumpululh vawlei ah hmaisuang hruaitu a si telai tiah zumh mi pakhat Mpabbe hi Juventus nih an duh nak an hun langhter cang. Kumvui lei nih C.Ronaldo zong hi kum 36 a tling ve cang lai. Juventus hmailei ahhin chiarkhuan pakhat hun i zuah ding ah Mpabbe hi an timh cuahmah a si ko tiah ruahdamh khawh a si.
C. Ronaldo hi Juvntus ca ah a biapi bik hmaikal ah a dir i, a luancia pumpululh khuati ahkhan Seirie A Cup voihnih tiang a lak pi hna. A tulio zong ah kawl tambik ngei a si ko nain, kum khua lei in a hung tar pah ve cang mi Ronaldo hi mino pakhat tthawngttha pakhat in hun thlen ding ah an i tim cuahmah ko ti mi a lang.
Source: Teamtalk