US President Donald Trump cu nihin (US ram nithum Ni) ahkhan Video in bia a chimnak cu US White House account in an rak thlah. US mipi hna buainak le ralhrang muisam keng doh-aunak tuah lo ding ah a chim.
- US mipi nih phungzulh ding le buar lo ding a si ee tiah a chim. Buaibainak ser cu American muisam a si lo i, ka dirhmun zong a si lo; left-wing lei siseh, right wing lei siseh, Republican siseh, Democrats siseh US ram ti mi cu Phung nih a kan uk mi ram kan si. Phung a derthawm mi kan si lo. A tu lio ah pakhat le pakhat kan bia kan i ngaihpiak ding a si. Awka chuak kho lo ding in kan i phihpiak awk caan a si lo tiah a chim.
US rampi chung ah buainak a chuak kho timi thawng a chuah hnu ah atu bantukin a hun chim than mi a si.
- January 6 ah Capitol Hill buainak he pehtlai in US President Trump cu Youtube nih a tlawmbik zarhkhat ah voikhat lawng a biachimnak kan thlah ter cang lai tiah an thanh. A ruang an chim nak ah Youtube policy a buar ca ah a si tiah an thanh chih. President Trump hi Youtube chanel ah followe nuai 2.77 hrawng a ngei mi a si i, a biachim mi ruang ah US ram a buai khawh ruang ah an khamnak a si tiah theih a si.
- New York khua ah President Trump he umnak sachoh an tuah mi cu New York lei nih kan hrawh lai tiah an chim. A tu hi a fale zong New York ah um ti lo ding a hnursuan ngai hna ti a si. President Trump hi New York ah a um lo zong ah zei ngai pi a hnursuang lem lo ti a si. Ngunkhuai pe tam pawl a si ca ah ngunkhuai kong ah New York cozah tu a sung kho tiah an chim.
- Nihin US ram Congress pi ah President Trump cu zumh awk a tlak ti lo tiah Impeachment an tuahnak cu an thawk i, Trump a duh lo tu Republican palai minung 10 an i tel. Senate (upper house) cu an i dinh lio a si i, January 19 hlan cu Senate an au lailo. An auh zong ah January 20 zaanlei suimilam 1:00pm hnu lawng ah Trump impeachment tuahnak biatung dirh khawh a si ca ah khi tikah President Trump cu US president a si tilo ahcun Impeachment hi Senate ah an caih kho te lai lo tiah fimthiam hna nih an chim. Asinain, Democrats lei nih cun fak piin an i zuam cuahmah lio a si ko rih.
- US rampi ah hiti buainak a chuah tikah US mipi lei nih rampi phaisa hmang in hitluk buaibainak an sernak nakin mipi ca ah COVID-19 khamnak le thlopnak hi an tuah deuh awk a si tiah an zai ngaingai cang ti a si. American conservative television host a si mi Laura Anne Ingraham nih cun Democrats pawl hi Trump nakin thiltha tuah an i tim lo i, huatnak lawngte an kawl, a palhnak lawngte an zoh tiah a chim.
- TV in US ram ah hngakchia ca ah chanel a tuahtu minthang ngai PBS ah biachim tawntu le mi nih an hngalh ngai mi pa pakhat nih cun, Trump mee a petu mipi hna i an fale cu National Guards nih tlaih in thluaktawlnak sakhan ah chiah ding an si tiah a chim ti a si. A chim nak video file cu internet ah a chuak i, PBS nih a rian an phuah.
Source: Tim Onnma Myo
