Iran ram ah rili ral a vengtu ralkap phu nih January 4 ahkhan South Korea thilphur pakhat an tlaih hna i cu chung ah Kawl tilawng zul 11 an i tel tiah theih a si.
Hi tilawng hi alh-hang (zinan) a phur mi Korea tilawng Hankuk Chemi a si, Iran ralkap nih an tlaih mi a si. A chung ah ai tel mi Kawl minung 11 hi Tilawng riantuan tu an si tiah theih a si.
Hi tilawng riantuan Kawl minung 11 kong he pehtlai in India ram ah a um mi Myanmar Ramkalzung (Embassy) in Palai U Moe Kyaw Aung nih Iran ram nih India ah a chiah mi Ramkalzung lutlai a va ton i a rannak in thlah ding ah caih hmainak an ngei ti a si.
Hi Korea tilawng hi riantuan tu minung 20 an si i, Iran nih an khiah mi ticung khualtlawnnak phunglam a buar ca ah tlaih an si nak hi a si tiah theih a si. Tilawng zulh chung ahhin South Korea leng ah Indonesia, Vietnam le Myanmar hna an i tel ti a si.
Iran ram vawlei he ai tlai mi Persian rili sawh ahhin Iran nih ramdang tilawng cheukhat hna cu a ruang le a kong tampi kawl in a tlaih lengmang hna ti a si. Tutan hi 2021 ah a pakhatnak an tlaih a si i Kawl minung 11 zong an i tel venak a si.
Source: CNN
