Vawleicung ah zuar khawh bik le cawk a phu bik tiah ruah mi iPhone cu tuzaan suimilam 11:30 PM ah iPhone 12 Series a chuah tthan cang lai. Hi iPhone pawl hun chuah nak hnga ca ah hin puai sunglawi ngai an tuah tawn.
Asinain, iPhone a chuah hlan paoh ahhin Twitter Leaker le Everthing Apple Pro timi iPhone kong phuang tu pawl nih an phuan piak lengmang hna. Tutan teh hi biathli phu pawl nih zeidah an phuan? Kan zoh lai! Tuluk iPhone chuak thar iPhone 12 Series hi phunli in an chuah lai ti a si.
- iPhone 12 mini (5.4-inch)
- iPhone 12 (6.1-inch)
- iPhone 12 Pro (6.1-inch)
- iPhone 12 Pro Max (6.7- inch)
hna an si lai. Tutan iPhone chuak thar ahhin Dynamic Zooming tiah min an pek mi Algorithm riantuan khawhnak an hman i, Face ID in iPhon rak on tawnmi kha rang deuh in a tuah khawh lai. Cu leng ah iPhone 12 hi 5G network a ngah dih cang lai tiah an chim.
Tutan iPhone 12 ahhin headphone sawhnak a um ti lailo ti a si. Cu ca ah tharawnnak (charger) awngkua lawng a um cang lai tinak a si. Cu leng ah 4K Video zong hi 120 fps – 240 fps tiang a thlak khawh lai tiah an phuan.
Hi iPhone chuak thar pawl ah iPhone 12 mini (5.4-inch) hi a man in $699 (920,500 MMK) a si te lai. iPhone 12 (6.1-inch) hi $899 le a dang hi $1000 an si telai tiah an chim.
Source: All About iPhone
