InnMa Khua Kahdohnak Ah PDF 2 An Nunnak Liam
Sagaing ramtthen, Minmu peng , InnMah khua ah rallam a sialmi SAC ralkap he May 24 ah kan i kap i PDF 2 an nunnak liam tiah Minmu PDF (MMU PDF) nih cathanh an chuah.
InnMa khua ah rallam a sial mi SAC ralkap cu May 24 zinglei ah KaanPhia khua luh ah PDF nih bomb an puah hnawh hna i an mawtaw pakhat a rawk tiah theih a si.
Bomb puahhnawh an si hnu ah SAC ralkap hna cu InnMa khua chung ah an lut i thilri an hrawh hna, Khuapawng ramlak ah an i chawh lio ah PDF he an i kap.
Kahdohnak ah SAC ralkap a thi mi le hliamtuar an tam, PDF ralkap 2 an nunnak a liam.
Cu hnu ah PDF ttangtti hna nih Kohhngyin seik khua le KaanPhiayat karlak ah lamtan in an kah tthan hna i SAC ralkap 2 an thi tiah theih a si,PDF nih an phummi bomb an i pal hoi i SAC ralkap tamlak te hliam an tuar tiah theih a si.
Zanlei sang ah bomb puahhnawh an tong than i SAC ralkap 6 an thi tthan tiah Minmu PDF nih an thanh.
