India ram ah a um mi vawleicung khamsii chuahnak nganbik Serum Institute cu nihin ah a kang i, a tlawm bik minung 5 an thi tiah theih a si.
India ram ah a um mi Serum Institute hi vawleicung ah zawtrai khamsii chuahnak nganbik a si. India ram nitlaklei Pune khua ah a um mi a si. India ram TV cheukhat ah lau ngai in Serum Institute mei ai hliao lio cu hmuh khawh a si.
Serum Institute hi Uk ram Oxford University scientists pawl nih an ser mi AstraZeneca serchuah tu an si. COVID-19 khamsii a nuainuai in an chuah lio ah an innpi a kangh hi a si tiah theih a si. Vawleicung pi COVID khamsii chuahnak ca ah an i bochan ngaingai mi zong a si.
Hi inn a kanghnak hi innthar an saknak lei in a tho mi a si i, mei a kangh khawh tlawmpal ah meithat mawtaw pasarih hrawng an phan tiah AFP ah an chim.
Hi innpi in an chuah mi COVIDSHIELD timi COVID khamsii (AstraZeneca le Oxford fonh) cu Myanmar ram zong ah a ralai mi thlachung ah a rak phan lai tiah MoHS lei in tuanvo ngeitu Dr. Khin Khin Kyi nih a rak chim.
A tutiang thawngtheih a si ning ah hi meikang ruang ah COVID-19 khamsii chuahnak a kan dawn lai lo tiah Serum Institute tuanvo ngeitu lei in AFP thawngzamh sin ah an chim.
Source: News18 India
