CBN News (Apr 14) : India ram nichuah chaklei ramthen sianghngakchia bu, North East Students Organization (NESO) hna nih Myanmar ram buainak kong caih dingin meeting an hrih, Mizoram in minung 3 meeting an kai.
NESO – India nichuah chaklei Sianghngakchia bu ah hin bu 8 an i komh, cu hna cu : Mizo Zirlai pawl (MZP), Khasi Students Union (KSU), Naga Students Federation (NSF), Twipra Students Federation (TSF), All Manipur Students Union (AMSU), Garo Students Union (GSU), All Arunachal Pradesh Students Union (AAPSU) le All Assam Students Union (AASU) hna an si.
NESO meeting nak i bia an caihning ah Myanmar ram, Sagain region le Chin State mi hna hi India Nort east state, Mizoram, Manipur, Nagaland le Arunachal Pradesh hna he lai hri tlai, chuahkehnak aa lo mi le unau miphun khat an si tiah an chim.
NESO nih an caih ning ah, Myanmar ralkap civil mi cung i a cawlcangh ning hi Democracy le Human righ phung buar a si ruang ah India cozah pi nih a fah khawh chungin Myanmar ralkap sin ah mipi temtuar nak donghter dingin warning pe seh tiah hna tlaknak an ngei.
NESO Meeting nih an fehter ning ah, Myanmar ram, Sagain region le Chin state hna cu India North East state 4, Mizoram, Manipur, Nagaland le Arunachal Pradesh hna he Unau lai hritlai an si ruangah Myanmar ram buainak a daih hlan cu ralzam dirhmun i India ram ah cohlan si seh tiah an fehter.
NESO meeting nak i Agenda an caihhmai mi le an fehtermi cu India Central cozah sin ah caa pek a si.
CBN News
