Malaysia ram, Johor state, Senai khua ah rian a tuan mi Myanmar mi hna cu an Agent pa India pa nih thlahlawh pek a duh hna lo caah Malaysia Palek sinah a report hna i minung 48 tlaih an tong.
India Agent pa nih a report hna ruang ah October 14,zinglei slm 1:00AM tluk ah Malasia cozah rian ngeitu hna nih an um nak hmun ah luh hnawh hna in an tlaih hna hi a si.
“India Agent pa nih thlahlawh a pek duh hna lo caah palek he i bawm in an tlaih hna hi a si. tlaih a tong mi hi Myanmar mi lawngte an si hna i minung 48 an si.” tiah Malaysia khuasa Myanmar mi pakhat nih Zalen ah a chim.
A tu bantuk in tlaih khih a tong mi hna hi Malaysia umnak dingah a herh mi thil tlamtling in a ngei lo mi le Visa diklo in a rak phan mi an si hna.
Kan hnu October a zarhkhat nak zong ah khan Malaysia ram, Penang,Perak,Selangor, le Johor peng chung hna ah Myanmar mi minung 200 leng tlaih an rak tong cang.
Culio i tlaih a tong mi hna chung in micheukhat cu an luat than nain micheu cu Malaysia immigration zung nih phungning loin khuasak ruangah tiin taza an cuai hna. Cu tlaihkhih lio ah cun Myanmar nu pakhat a zaam caah tlanglawng nih a rial i a nunnak a rak liam.
