COVID-19 zawtnak teinak dohnak ding ca ah vawleicung phaisa fund phu a si mi International Monetary Fund (IMF) nih Myanmar ramkomh ca ah US phaisa nuai 350 a cawih cang tiah theih a si.
Tutan hi a voihnihnak Myanmar ramkomh ca ah a cawih mi a si i, a luancia 2020 June thla ahkhan a tu bantukin nuai 365.5 cu a rak cawih cang mi a si.
COVID-19 a hrah hnihnak ah phaisa sungh zatlaknak khamnak ca ah bawmhnak a pek mi zong a si tiah an chim. IMF lei in Deputy Managing Director and Acting Chair a si mi Mr. Mitsuhiro Furusawa nih cun Myanmar ramkomh phaisa cawihnak kong he hitihin a chim.
“Myanmar hi nikum ahkhan phaisa kong ah zualral le bawmhchanhnak siseh, chawleh thalnak ca le COVID-19 zawt khamnak ding ca ah siseh, chawlehthal nak ah a lu ai tun khawh nak ding ca ah COVID-19 Economic Relief Plan (CERP) an dirh. Cu pin ah Myanmar Economic Resilience and Reform Plan (MERRP) zong an dirh khawh. Hitihin ram mi hna ngunkhuai peknak le innbing cio bawmhnak zong an tuah khawh. Ramchung ah phaisa an hman ning le phaisa lei ah policy an suai mi zong lawmh an um ngai” tiah a chim.
IMF lei nih Myanmar ramkomh cozah zumhraihnak le zawnruahnak he rianrang ngai in phaisa an cawih khawh hna hi a si tiah ruah a si.
IMF fund cawih mi hi ramchung ah chawlehnak a hnursuan mi le phaisa lut a zor lio ah ram khat mipi khuasak tintuknak ca ah bawmhchanhnak an tuah mi a si leng ah ramdang ah rambing phaisa cawi a zor nak hnga ca ah a si tiah Mr. Mitsuhiro Furusawa nih a chim.
Source: RW (Relief Web)
