Karen ramkulh,Hpapun pengkomh ah raltuk nak in hnu a kir mi SAC ralhraang rual cu bomb in an puah hnawh hna leng ah lam nai in an kah hna caah battalion commander pakhat telhin minung 30 an thi i meithal zun 34 an laak tiah KNU Mutraw sin in theih a si.
September 30,zinglei slm 6:30AM ah khan Hpapun pengkoh Lu Taw peng, Pha Kaw Lu sakhaan in Khe Khu sakhaan lei ah hnu a rak kir mi SAC ralhraang hna cu KNU brigade 5 kuttang KNLA hna nih an rak kah hna caah SAC lei in an hruaitu battalion commander le minung 30 an thih hi a si.
Cu kahdohnak chung in 60MM hriampi kah nak zun 5,RPG zun 1,MA-1 meithal zun 16,MA-2 meithal zun 3,MA-3 meithal zun 5,MA-4 meithal zun 1,A-5 zun 1, 9MM pistol zun 1,machine gun zun 2, pehtlaih nak thil ri le bomb kawlnak seh hna an laak tiah theih a si.
