Kachin ramkulh Hpakant peng Hwaihka lungkhur ah hmuh mi mangtara lunghring tumpi cu cozah sinah an ap cang tiah theih a si.
Ton 2 tluk a rit mi hi lunghring pi hi leimin ruangah khar a rak si mi Hpa Kanh Hwai Hka lungkhur hlun pakhat chung ah mi pakhat nih a hmuh mi a si tiah theih a si. Hi lunghring hi an hmuh le cangka in ralkap he palik he congh a si colh i, a tu ah cun Lungkhin khua lunghring cotu zung sin in cozah sinah ap a si lai tiah a chim.
2016 kum a tutik hrawng lio zong ahkhan 175 tonnes a rit i, pe 19 a sau mi lunghring mangtara taktak an rak hmuh bal. Kha lunghring pi kha $170 million man hrawng a si lai tiah an rak chim bal.
Atu an hmuh thar mi lunghring pi hi a pum a ngan ngai ko nain, a kum a upat rih lo ruangah zuar har dawh a si tiah zumh a si. A man zong duh ning in hauh ngam dawh a si lo tiah an chim.
Source: BBC
