A luancia kumkhat chung ah Hong Kong ah mipi buainak hruaitu tiah ruah a si mi Hong Kong Democracy arfi Joshua Wong le sianghngakchia hruaitu minung 3 hna cu thongthlak dingin bia an caih cang hna.
Hi biacaihnak hi nihin December 2 ahkhan a cang mi a si. Biacaih zung nih hi mino pathum hna hi mibu sernak ca ah ningcang lo le phunglut loin an um ca ah an sual tiah bia a caih hna hi asi.
Hong Kong biacaihzung nih Joshua Wong cu thong thla 13 thlak ding le a dang mino pathum hna cu thong thla 10 tlak ding ah bia a khiah cang hna.
Tuluk ram nih Nationa Security phungthar a ser hnu ah Hong Kong mipi nih fak ngaingai in an doh i palik le Hong Kong mipi karlak ah buainak fak tuk a rak chuak. Democracy cawlcanghnak ah hruaitu Joshua Wong le hruaitu minung pathum hna cu nunchung thong in an luat hnu ah a tu thla 13 thong tiang bia an caihpiak mi hna hi a si.
Hong Kong hi British kuttang in 1997 kum ahkhan a pek than hnu ah bia an i kamh mi cu Hong Kong hi a ralaimi kum 50 tiang (2047 tiang) Hong Kong mipi zalonnak ding ca ah aamahkhan ding in bia an rak i kam.
Asinain, British he biakam let in Communist uknak tang ah chilh a timh cuahmah mi cung ah US telh in vawleicung ramkip nih Tuluk thiltuah le Hong Kong mipi cung a thiltuah cu an doh cio.
