16 May 2019 ah Naypyidaw Wisdom Hill tualleng sianginn ah kum 3 a tling lomi hngakchia tlaihhremnak kong ah puh a tong mi Mawtaw Khaltu Ko Aung Kyi nih Naypyidaw palik cu phaisa sing 5000 liamh ding in taza a cuai hna.
Nizaan nai December 8 ahkhan Naypyidaw Wisdom Hill tualleng sianginn ah tlaihhrem a rak tong mi kumthum tling lo hngakchia Victoria kong ah palik nih ningcang loin sual an rak phawt mi School Bus driver Ko Aung Kyi nih Naypyidaw palik taza a cuai hna hi a si.
Hi tazacuainak case hi Naypyidaw biacaihzung nih an cohlan i, biacaihnak number 312/2020 in biacaihnak ah an caihpiak hna lai tiah theih asi.
Hi tazacuai nak kong he pehtlai in Ko Aung Kyi le a sihni lei in minung limhang thlaknak le phaisa tampi liaoheu ruang ah hi phaisa le ningzah phurhnak vialte liamh ding ah phaisa sing 5000 a hal hna hi a si tiah theih asi.
Ko Aung Kyi hi Victoria kong he 2019 December 18 ah thong in a rak chuak i, caan karlak COVID ruang ah tazacuainak a tuah kho lo i, kumkhat hnu ceo ah a tuah hi a si tiah a Sihni nih a chim.
Naypyidaw palik bawizik nih Victoria kong hi a tlaih mi asi i, biacaih zung thawngthanh ningin palik zung nawlngei tu hna nih an rak ralchanh ve ding a si tiah theih a si. Ko Aung Kyi cu a tulio ah Naypyidaw COVID quarantine ah a lut tiah theih asi.
Source: BBC
