Salai Ropui Zaathang & Salaitial | CBN Hakha| 24 October 2020| Hakha khualipi ah July 27 ah tlaihrem a rak tong mi kumli hngakchia kong ah tlaihremtu U Myat Thu Aung cu thil a can hnu thlahnih nihin October 26 ah peng biacaih zung nih thong kumhra thlak dingin bia an caih.
A luancia July 27 ah Hakha khuathar kumli hngakchia a rak tlaihhrem tu Myat Thu Aung cu a sihni damlo kong laak in case an hun hnu thlahnih ah biacaihnak an tuah tiah thawng kan theih.
Phungbuarnak number 376 in sualphawt a si mi Myat Thu Aung nih Hakha thar ah kumli hngakchia nu cu July 27 zaanlei 5:00pm hrawng ah a rak tlaihhrem hi a si. Hi biachahnak kong he pehtlai in ingtuar tu chungkhar lei nih
hi biachah biacaihnak kong he pehtlai in chungkhar lei nih kan lung a tling ko. fak hlei seh ti duhnak kan ngei lo. a tuah sual ve ko ca ahkhan a intuar kha a hauh ve ko ca ah biacaihzung lei nih a dikhman tiah bia an khiah mi kha kan lung a tling ko.
tiah CBN ah an chim.
Hi tlaihhrem nak a rak can ning ah hi, tlaihhremnak a tuah tu Myat Thu Aung a fa le tlaihremh a tong mi hngakchia nu kum 4 hi hawikom an si i, hngakchia nu te nih an inn a lennak Myat Thu Aung te inn ah a cang mi a si tiah theih a si.
