Chin Ramkulh Hakha khua ah Hrambunh mi Hakha Township Public Healthcare (HTPH) tawlrelnak in ramchung le ramleng Laimi hna i bawm in an cawkmi Oxygen seh thilri pawl cu August ni 25 ah Hakha khua ah tluang tein a phan cang, tiah kan theih.
Hi Hakha ah bunh ding mi Oxygen chuah nak seh a bunh tu ding Engineer pahnih zong Hakha an phan cang, nithum chung ah bunh dih ding in timh tuah nak kan ngei ti ah Rev.Ni Cung nih CBN ah a chim.
Hi seh bunh nak ding hmun zong Pu Thawng Kian te chung nih an Hotel an kan hman ter pin ah Meiseh (generator ) zong an kan tawlrel piak caah an cung ah lunglawmh nak tampi kan ngei ti ah Rev.Ni Cung nih a chim chap.
Hakha ah a phanmi Oxygen seh cu nihin zinglei ah HTPH hruaitu upa hna nih tlacamnak he Pathian sin apnak zong an tuah.
Hi Oxygen seh hi UK Ser a si caaah hman zia thiam ah cun Hakha, Thantlang , Falam lawng si lo in Chim Ramkulh dih lak le Gangaw , Kalay tiang zong in a kan deih lai ti achim chap.
CBN
Hakha
