Hakha Baptist Church(HBC) tualleng sianginn cu nihin January 12 zinglei slm 5:30 tluk ah kangh hram aa thok i phalh manh lo in zinglei slm 6:00 hrawng ah cun a ciam dih tiah theih a si.
Tualleng sianginn kangh hram aa thawk hi inn cung dot in a si. Inntang dot ahhin tualleng sianginn a hngaktu an um i a kangh le cangka sianginn hngaktu hna an thilri cu pawngkam ummi hna nih zeimawzat thiar an bawmh manh hna. A biapi mi catlap, tangka, TV le thilsuknak seh ti bantuk lawng an chuah manh tiah mit hmu tu nih the chin post ah an chim.
HBC tualleng sianginn hi dot hnih a si i thinginn a si. A ṭhing pahmi a si cang i a kangh ning zong a rang ngaingai. Zing suimilam 5:00 hnu in kangh hram aa thawk i meheh pi farual an umnak inn cu bauh manh ti loin mei nih a ciamhpi dih hna, tiah a dang tualchung mi pakhat nih a chim.
Tualleng sianginn a kangh ning hi fiang inn hngalh a si lo nain inn cung dot in mei aa thawk caah electric mei a si ṭheo lai tiin pawngkam a ummi hna nih an zumh. HBC tualleng sianginn ah ca a cawngmi ngakchia tete hi a ra laimi February thla ah a graduate ding an si cang hna, tiah theih a si.
HBC tualleng sianginn cu HBC compound chung ah a ummi a si i B.E.H.S No. 3 sianginn he naihniam tein an um i ti varek pakhat nih a dan hna.
