US ram nithlang lei Georgia ramkulh ah Senate thutdan pahnih a thar in thimnak cu vawleicung mipi nih zoh cio a si.
US ram Hluttaw Cungdot le a hmailei ca ah biakhiak tu dirhmun a si mi hmun hnih cu thimfung thlak in an rel cuahmah lio a si i, hi thutdan pahnih nih hin President elect Joe Biden le acozah ca ah a biapi ngaingai ti khawh a si.
Hi thimnak kong ah theih herh tete
Tutan Georgia thimnak hi November thla chung ah thimnak an rak tuah mi ah fianghlang in a phichuak a um lo ruang ah thimnak an tuah than mi a si i, a hlankan thimfung cu a zarhzarh in an rak pek cang.
Hi thimnak nih hin Joe Biden le acozah kum 4 term chung ah an riantuan a tluang lai maw lailo timi ca ah a biapi khun.
Zeiruang set ah dah Georgia ah thimnak an tuah than?
US ram ah ramkulh phung le lam ning in thim mi palai pakhat nih teinak a hmuh ding mi hi zatuak 50% a ngah ding a si i, November thla thimnak ahkhan a hohmanh nih 50% an rak ngah lo. Cu ruang ah thimnak ah a cak bik minung pahnih hna kha January 5 ah a thar in thimnak tuah piak than an si mi a si.
Ahodah Ai Cuh?
A tutan Georgia thimnak ahhin todan pahnih ca i cuh a si i, Rebublicans Senators minung pahnih le Democrats mithar pahnih hna an i cuh.
Senator david perdue: A mah hi 2015 khan Georgia ramkulh in Republicans lei in senators rian a rak tuan mi a si. Chawleh lei ah minthang mirum pakhat a si i, Reebok zong ah vice-president a tuanmi a si. President Donald Trump a tanh ngaingai mi a si.
Jonathan Ossoff : a nih hi nuhrin covo lei ah minthang ngai John Lewis bawmhnak in Democrats lei ah Senator David Perdue a rak zuamcawh tu a si.
Senator kelly lafleur: a nih hi Politics ah mithmai thar ngai a si. 2019 kum ahkhan Rebublicans lei in Senators pakhat a rian in ai dinh ruang ah Goergia ramkulh uknak lei nih an rak chuah pi mi a si. A nih hi mirum ngai a si. US ram ah minthang Basket ball phu WNBA chungtel ah nu basket ball phu Aladan a ngei tu a si.
Rev. Raphael Warnock: a nih hi Atlanta um Ebenezer Baptist Church ah senior Pastor a si. Nuhrin covo lei ah biatak ngai in a cawlcang mi a si.
Zeiruang ah dah Senate ca ah Georgia hi a biapit khun?
US ram Senate hi Republicans nih an rak lak hi 2014 khan a si cang. Phungser mi fehternak, cozah sernak ca ah senate lungtlinnak hi a biapi taktak mi a si. A tulio ah Senate 100 hmun ah Republicans nih 52 an lak cangca ah Democrats nih a tu 2 an lak lo ahcun a ralai mi Joe Biden cozah hi Senate ah ai chol lengmang ding in a um. An tei ahcun zatceo veve an si lai.
Tutan Georgia thutdan pahnih hi Democrats nih an tei ahcun zatceo veve an si lai i, Senate hruaitu Democrats vice-president Kalama Hariss nih thimfung pakhat tein a tei khawh lengmang hna.
Joe Biden nih ai timh mi ngandamnak le pawngkam zohkhenhnak phunglam pawl biacaih le biahrennak ca ah Senate biakhiahnak a chuak telai i, Senate nih an caih tikah Democrat nih an tei lawng ah Biden cozah rian a tuan kho lai.
Source: BBC
