Nihin February 1 ni ah Kawl ralkap nih uknak an van lak nih vawleicung mizapi cu thinphang le thlalau in an kan tuah. Hi kong he pehtlai in kan Chin mi caah nunak thap in ramca rian a tuan mi Col. Solomon Thang Ding le CBN biaruahnak kan ngei. Atanglei ah tling deuh in rak rel ve law.
CBN: November 8 2020 ah Kawlram thimnak kha NLD nih teinak an hmuh tikah USDP le Ralkap nih mah thimnak hi a dik lo cu caah a thar in thimnak kan tuah piak than uh an ti mi zawn ahkhan nang zeitin dah na hmuh ning?
Solomon: Aw politic si i Kawl te cu buai an duh ah cun kawlram cu buai awk tamtuk. Kan i uknak le kan kal mi hrim hi hlan piin a chiatuk mi a si i a dik mi chuah hi cu a har ko lai buai ding lawngte a si ko kap hnih in.
CBN: Nihin ah ralkap nih uknak an lak mi cung ah tlangcung hriamtlai (a bik in CNF) nih nan lungput zeidah a si?
Solomon: Ralkap nih uknak lak cu hohmah nih kan duh mi si lo.
CBN: A tu ah NLD nih teinak kha zuatuak 83 tluk an co I, rian zong pek an i tim Febuary nikhat cu Hludaw meeting ding kha a si mah lio ah ralkap nawl ngeihnak an lak i thimnak thar kan tuah than lai an ti mi hi a si kho lai tiah na ruat maw?
Solomon: Aw an mah kaphnih an i chawnh i an ni hmuhthiam hau mi si. Cucu an ni hmuhthiam lo ca ah a tu hi tihin ralkap nih an ti mi si ti in ka ruah ko.
CBN: General Min Aung Hliang nih 2008 phunghram pi hi nan zulh lo ahcun hrawh khawh a si tiah a chim cu kong he pehtlai in hal kan duh mi cu a tu Phunghram hi a hrawh in hrawh ah maw a that deuh lai si lo le a remh in remh ah dah?
Solomon: Tlangcung mi nih kan duh mi phunghrampi chuah ding ah cun a zeipoah kan duh ko.
CBN: Kawl Ralkap nih uknak an van lak thawng van theih in Chin mizapi an thin a phang, ral i kahnak le kuli phurhternak a chuak than sual lai tiah thindomh in an um mah kong he pehtlai in mizapi sinah chim na duh mi?
Solomon: Aw kawl te zia cu chim awktha lo a si ning hoih in kal mi si i tih ding um lo, kan nih tlangcung mi NCA minthu cang mi caah cun a tha ko lai tih ding si lo. Mah le rian cio kha tuan ko uh, a dik mi thawngpang tu chim hna sehlaw mah nih tawnchom in mah ruahnak in mipi lauter tih ding thawng chim lo kha tha bik lai. Chin mi kan lungrualnak ah hmang ko hna uh sih
CBN :Kan biaruahnak ah na caan sunglawi na kan pek i lungsau tein kan biahalnak na kan leh caah lunglawmhnak tampi kan ngei.
Solomon: ka lawm tuk ve
