Myanmar ramkomh ralkap Tatmadaw hruaitu General Min Aung Hlaing nih National Defense University ah tuah mi Training petu sayate le sianghngakchia pawl biaruahnak ah “2008 phunghrampi hi nan zulh lo ahcun kan hrawh lai tiah a chim.
“Phunghram pi hi phung vialte i an nu (Mother Law) a si. Cu ca ah hihi nan zulh a hau tiah chim ka duh. Hi phunghram hi zulh lo ahcun kan hrawh lai. Phunghrampi a si zong ah kan hrawh lai. Cu ca ah Tawhlanzi chan 1947 kum zong ah phunghram rak hrawh a si. Nah-wah-tah chan zong ah Tatmadaw an rak kai in 1974 phunghram hrawh a si. A tu 2008 phunghram hi a tu kan ngeih lio mi phunghram a si. Phung kong nan theih a hau. Phungzulh ding nan thluak chung ah a um a herh” tiah a chim.
Nizaan nai ah Tatmadaw thawngfianhnak pakhat cu Naypidaw ah tuah a si i, cuka ah cun chimrelnak nawlngeitu Major General Zaw Min Tun nih ralkap nih rampi uknak lak le laklo ding hi kan chim kho lo tiah a chim.
Source: BBC
