Israel le Hamas buainak cu a linsa chin lengmang kaphnih in vulei cung theih zong ah mithmai ttha hmuh an i zuam cuahmah veve.
Gaza khuapi laifang ah a ummi Al-Ahli sii-iin cu ruah loin missile nih a tlak caah a chungah a um mi dam lo, aa thlop cuahmah mi hna le a rak i dor mi telh in minung 500 tluk an thi tiah Palestine lei nih an langhter.
Hi bantuk in sii-inn kahnak kongah media tampi nih cun Israel kut a si tiah an tial. Cun Human Rights lei cawlcangtu hna le vulei cung ram hruaitu hna zong nih Israel cu an mawhchiat. Asinain Israel nih cun kan mah kah mi a si lo, Palestine hriamtlai phu dang nih an kah mi a si tiah an langhter ve.
Al-Ahli sii-inn hi Anglican Church nih an tuah mi a si, Israel le Palestine buainak ruangah midamlo hlei ah hliamtuar hna le umnak ngeilo pawl an i dornak hmun a si.
