Gaza hmunram ah ralhmai ser dingin Israel Ke ralkap 10,000 leng cu timhcia an si cang tiah Israel vunrennak Minister Yoav Gallant nih a chim.
Gaza ramri ah ralkap thlahmi Israel ke ralkap hna cu Israel runvennak minister Gallant he tonnak an ngei i: ralkap hna zong timhcia in um dingin a chimh hna. Asinain Gaza ah ralhmai ser ding zeitik a si lai caan a chim lo.
Ramri dihlak ah Israel ralkap singthum leng nih hmunhma an laak, October 7 ah Hamas kahnak ruangah Israel mi minung 1,400 an nunnak a liam. Israel lei nih lehrulhnak a tuah colh bantukin Hamas uknak ram Gaza ah ralhmai ser ding tiang in timhlamhnak an ngei.
Israel runvennak minister nih tu bantukin a chim caan rau lo te ah Israel Prime Minister Benjamin Netanyahu zong nih ramri ah ralkap he an umnak video a thlah colh. Hi hlan deuh ahhin American President Joe Biden siseh, British Prime Minister Rishi Sunak hna cu Israel ah an kal i, Hamas doh ding in Israel an dirkamh.
