CBN News, 26 Nov 2020: A min a dai tilo dingmi Pumpuluih chuih thiam minthang le a tu hrawng vawleicung pumpuluih chuihthiam minthang hna nih an zohchunh bikmi pakhat a simi Diego Maradona cu lungtur zawtnak in a nunnak a liam.
Maradona hi a tutiang vawleicung mino pumpuluih a uarmi hna nih a theilotu an um theng lailo, Kum 1986 World Cup lio ah Argentina pakhatnak a rak lakpi, hi lio ah Maradona hi Argentina team Captain a rak si.
November thla hramthawk lei ah khan a thluak ah thisen a luh ruangah operation rak tuah a si i i tlamtling te in operation an rak tuah khawh.
Amah hi zuding sa ei pahmi a si, lungtur zawknak a ngeimi a si i tutan a thihnak zong hi lungtur zawtnak in a si.
Maradona thihnak cu vawleicung footballer minthang hna nih a tuarpi lo tu an um lo, a nunnak liam cang hmanh selaw footballer minthang tampi nih an i bochan mi le pumpuluih chuih lei ah an zohchunh mi a si peng lai.
Maradona hi kum 1960 ah a chuak i a thih ah hin kum 60 mi a si.
CBN News
