Finland ram khualipi Helkensi Airport ah cun COVID-19 ai chawnh mi hna cu uico nih rimhnimh chek nak tuah khawh ding in an hneksak cang. An Hlawhtlin ngai dawh in an chim.
COVID-19 test hi hnarkua le dang tiang sawh chih a si ruang ah hneksak a tong tu hna nih fah an tuar lengmang ti a si. Cu ruang ah uico nih COVID-19 zawtrai ai chawnh mi hna cu rim hnimh in chek khawhnak tuah ding ah Finland ram nih cun an i zuam cuahmah. An Hlawh a tling ngaingai tiah an thanh.
Nizaan ahkhan Finland ram khualipi Helkensi Airport ah hneksak nak an tuah ti a si. Hi uico an hman mi hna hi Kossi, ET le Miina tiah an auh mi uifim an si. Tu thlachung ah khan Khualtlawng minung 2,200 cu an rim an hnimhter hna i 0.6% mizaw an hmuh tiah an chim.
Hi uico hna nih mizaw an si tiah an ti mi mizaw hna hi PCR test an tuah hna i Positive an si taktak tiah deputy mayor of Vantaa Timo Aronkyto nih a chim. Uico nih nih hin COVID-19 mizaw positive si le si lo hi 100% dengmang an theih khawh ve ko tiah an zumh.
A tu bantukin PCR test le uico in hneksaknak zeitlukin dah ai lawh khawh le zumhtlak a si timi hi kumdongh lei ah fehternak an ngei telai ti a si. COVID-19 ai thawk ka le chawnhbarh ka ahkhan uico pawl hi PCR test nakin a let nga in COVID-19 mizaw hmuh an i ranh deuh i, hneksaknak ni (5) tuan ah result a chuahter khawh tiah an rak chim bal.
Source: CTV
