Myanmar (CBN News) : Civil cozah, ralkap thazang hmang i chuttu Myanmar Tatmadaw cu European Union foreign minister hna nih phihkharnak tuah ah an hna a tla.
EU foreign policy hruaitu Josep Borrell nih a chimning ah EU nih Myanmar ram phihkharnak kan tuah dingmi ah hin Myanmar le EU pehtlaihnak, ram pakhat le pakhat chawlehnak ah hnahnawhnak a pe lailo i Myanmar mipi zarân zong harnak a pe lailo tiah a chim.
Ram dangdang nih Myanmar Tatmadaw phihkharnak phunphun in an tlerhkhanh nain Tatmadaw nih Civil cozah sin ah nawlngeihnak pek an i timlo.
Cozah i thimnak ‘election’ a um tthan lai i tainak a hmutu sin ah cozah nawlngeihnak pek an silai tiah an thanh nain cozah thim tthannak cu zeitik ah dah tuah silai ti zong an thanh lo.
CBN News
