European Union ah kum 48 khengte a rak um i a rak i teltum mi Mirang ram UK cu 2021 January 1 ahkhan EU in a chuah taktak nak ni a phak a si.
2020 January 31 ahkhan a rak chuah khawh a si nain, caan karlak thlenremhnak ding ca ah kumkhat bak te an rau. December 31 zaan lai ah EU in UK cu phung ning in a chuak cang ti khawh a si.
EU in Britain a chuah nak kong ahhin EU ram pawl a si mi ah cun thawng linsa ngai a rak cang mi a si. Brexit tiah min an bunh mi a si i, kum 5 khengte chuahnak ca ah an tawlrel mi a si.
Asianin, EU in UK chuah ai timh caan kum nga chung ah UK phaisa Stalin Pound cu a man a tla ngai te ti a si. Britain PM Boris Johnson nih cun a tu hi UK nih zalennak kan ngah i, kanmah tein kan i tawlrel kho cang lai tiah a chim ve.
Kamkhat lei ah EU Parliament ah palai hlun pakhat a rak si mi PM a pa Staley Johnson cu Spain ram mi sinak ka lak lai tiah kan hnu nili ni ahkhan a chim ti a si. A mah hi EU in UK chuahnak ding ah a duh lo ngaingai tu a si ve.
Source: VOA
