Vawleicung ah mirum bik Elon Musk cu Mars vawlei ah minung hna khuasak khawh nak ding ca ah ka ngeihchiah vialte ka zuar lai tiah a chim. A luancia zarh hrawng ah vawleicung ah a rumbik a hung si mi Elon Musk cu phaisa fang in $188 billion a ngei cang mi mirum a si.
Elon Musk timi pa hi Tesla le Space X company a ngeitu a si i, Mars vawlei cung ah minung hna khuasak khawhnak ding ca ah ai zuam peng mi a si. Mars vawleicung ah minung khuasak khawhnak ding ca ah phaisa a herh ca ah ka ngeichiah vialte ka zuar lai tiah kan hnuzarh interview pakhat a chim.
Elon Musk nih, ” a ngai ti ah cun ka company ah a um mi Stock shares pawl dah tilo man angei mi ka thilri paohpaoh ti awk hin a ngei taktak mi ka si lo. Rian kong ah a herh tak ahcun inn ah riak lo inn zung le company zong ah ka riak ko lai. Ka fale ca ah inn pakhat ka hlan lai” tiah a chim.
Nikum zong ahkhan ka ngeih mi inn vialte hi ka zuar dih lai i, inn loin ka um lai a rak ti bal fawn.
Elon Musk nih hin a ngeih cia mi inn pawl hna lak ah dollar nuai 100 man inn pawl hi a zuar len cang hna ti a si. Inn ka zuar mi hi phaisa le ngeihchiah tam ngeih duh ruang ah siloin Mars vawlei ah um khawhnak ding ca ah a si tiah a chim.
“minung hi vankawlawng (space) cung ah a um mi vawlei pawl ah a um kho mi kan si a biapi. Cu pin ah Mars vawlei ah khua pakhat ser zong hi ka duh fawn. Hiti mars vawlei ah khua ser hi kan vawlei ah a um mi khuapi pawl nakin a man a fak deuh ko lai” tiah a rak chim.
Source: Irrawady
