Demosoe Peng Ni 3 Chung Kahdohnak Ah KNDF Ralkap 10 An Nunnak Liam
Karenni (Kaya) ramkulh, Demosoe peng Naungpale khua pawng ah Karenni Army( KA) , Karenni National Defense Force(KNDF) le ralhrang karlak ah April 11 in 13 tiang kahdohnak fak ngai a chuak tiah tualchung mi hna nih an chim.
”Chun nitlak in kan i kahnak hi nithum a si cang, kan hnu April 11 , zing slm 7:00 ah ralhrang hriamngan ruang ah KNDF ralkap 6 an nunnak liam i 20 hrawng hliam an tuar” tiah KNDF ralkap pakhat nih a chim.
Hi nithum chung kahdohnak ahhin KNDF ralkap a nunnak liammi dihlak 10 an si cang i 20 leng hliam an tuar cang, Ralhrang lei a thimi 50 nak tlawmlo an si lai tiah theih asi.
Karenni (Kaya) ramkulh chung ah Karenni(kaya) ralkap pawl le ralhrang karlak kahdohnak ruang ah Lwaykaw- Taungyu lampi he ai naihnak ah a ummi khuate 5 in mipi thongnga( 5000) hrawng cu ral an zam i tthutdirnak le eidin kong ah harsa ngai in an um.
