President U Win Myint le State Counselor Daw Aung San Suu Kyi hna cu nihin thla February 15 hi biacaihzung ah chuahpi ding an si nain thla 17 tiang erh than ding in an timh hna tiah theih a si.
President le Daw Suu hi Video Conference in biacaih ding an si i, Naypidaw Zabothiri peng biacaihzung ah biacaih ding an si. Online chung ah ca a chuakvai mi ah cun nihin hi erhkhumh caan (ခ်ုပ္ရမန္) a dih ni a si.
President le Daw Suu biacaihnak ca ah tuanvo ngeitu a si mi Sihni U Khin Maung Zaw le a phu hna cu Dakhina Thiri biacaihzung ah an va kal i, a tanglei bang in thawnglatu hna sin ah a chim.
“Nihin hi erhkhumh caan a dih ni a si tiah biacaihzung ah kan va kal. Kan va phak tikah pengkomh biacaih bawi nih a kan chimh hnu lawng in kan theih. President le Daw Suu hi thla 17 tiang erh than ding tiah an chim. U Wiin Htein hi thla 19 ah biacaih ding a si lai tiah an chim. An pathum ning in sihni hlan piak an si lai” tiah a chim.
President U Win Myint cu pawngkam harsatnak phung cang 25 le Daw Suu hi phunglut lo Walkie Talkie ruang ah taza an cuai hna. President U Win Myint cu a chungkhar 10 hna he Naypidaw inn A-29 ah siseh, Daw Suu le a sin um minung pariat hna cu Inn A-33 ah an erh hna i, an dampiang ko tiah theih a si.
Source: BBC
